حرب ؟؟ياعيني ايخي يا روحي ايخي ياسيدي ايخي

6 Jan

عايزة اسال سؤال

الناس ايلي قعدة تقول نحارب نحارب

ده علي اساس انهم هيمسكوا الطاسة ايلي في بيتهم ويربطوها علي صدرهم

و يمسكوا الشوك والسكاكين ويروحوا يحارربوا يعني ولا ايه؟

عايز تحارب روح يا بابا علي الحدود وهتلاقي الف مين يسربك من خنادق الفلسطنيين لمصر

بس مش تكسر في عربيات الناس في مظاهرات وتيجي بالليل تقعد علي ال

facebook

تحط صور المظاهرة

احنا نعرف كام واحد استشهد مننا في حرب للقدس؟

الااااااااااااااااف

بس يا تري احنا جيلنا بتاع حرب؟بصراحة انا مش شايفة ده

احنا يادوبك نمسك المصاصات نلزق بيها العدو

بالضبط زي ما النهاردة في الشغل قالوا (اديني لبانة اطرقع بيها المعتدي ..خدوا سينا خدوا طابا بس سيبولنا نادي الشمس والنبي(بالضبط

جيشنا فيه اخويا واخوك وابني وابويا وعمي وخالي وجاري

هنطلعهم يحربوا بايه ان شاء الله؟

ولا احنا “الدول العربية كلها”عايزين نحارب لاخر جندي مصري !! ياصلاة النبي

وبعدين يقولوا هي مصر ليه من العالم التالت لسه؟.يااااااااااااااااااااااااااااااااي

علي فكرة لو قامت حرب انا اول واحدة باذن الله هروح اتطوع في التمريض

بس بجد ..نحارب؟دلوقتي ؟احنا؟؟

لسه بدري

ومش عايزة اسمع كلمة كمان عن حرب يا جيل الجيلي كولا

Advertisements

8 Responses to “حرب ؟؟ياعيني ايخي يا روحي ايخي ياسيدي ايخي”

  1. FARAKAA 06/01/2009 at 5:09 PM #

    للاسف اللى بتقوليه صح ..وللاسف أنى حزينه لأنه صح
    وللأسف كل الاسف أن ماحدش عنده يقين فى الله .. لأن لما ربنا يقول فى كتابه العزيز “وأعدوا لهم ما أستطعتم” يبأى أكيد مش مطلوب مننا الا ما أستطعنا
    جيش كامل ..مسدسات .. سيوف .. مطاوى .. حجاره أى حاجه غير اللبانه والمصاصه والبنطلونات اللو ويست ولا ياى على الالوان فى شعرهم دلوقت ويا مامى فلان لابس مش براند ولا سينييه .. ده بيئه أوووووى
    وللآسف ألف مره أنى بحلم بأننا هانتجدعن أحسن منظرنا بأه واو خالص وسط أصحابنا اللى أسمهم العالم

  2. Cinderella 07/01/2009 at 1:29 PM #

    لا ما خلاص الحمد لله قررنا نقطع الغاز عن اسرائيل
    شوفتي ازاي؟
    وبعدين الفكرة ان الموضوع ان كلنا نعد ما استطعنا
    مش مصر بس !!وده الفرق
    في رايي : )

  3. FARAKAA 08/01/2009 at 11:27 AM #

    طب أيه اللى يأكد أن الغاز أتقطع بالفعل عن أسرائيل ؟
    هانمشى ورا الانابيب بأه ولا أيه؟
    فعلا فقدنا المصداقيه مع الحكومه

  4. Cinderella 08/01/2009 at 11:43 AM #

    بالضبط احنا بقينا ايلي اتلسع من الشوربة بينفخ في الغاز

    بس لسه فيه امل ..ان شاء الله

  5. sabrena 14/01/2009 at 3:05 AM #

    معاااكى جداا يا ساندى

    ما ينفعش نحاارب
    غير موضوع المصاصات والجيلى كولا :D

    لازم نبطل اسلوب
    انا جدععععععععععع
    وفاكر انى لوحدى اقدر ادغدغ الدغاااديغ

    مش هنقدر
    احااارب لمااا يبقى فى مصطلع اسمه
    أمة عربية

    لكن غير كدااا
    يبقى فعلاا
    شكرا على الاضاافة

  6. Cinderella 14/01/2009 at 2:36 PM #

    سابرينااااا
    نورتيني يا جميلة :)

    بالضبط انتي عارفة احنا عاملين زي النكتة بتاعت
    مرة الرئيس نزل يتفقد احوال الجيش

    فا جه لواحد قاله
    لو انت في حرب
    وجالك العدو من قدامك هتعمل ايه
    العسكري قاله هضربه بالسنكي
    قاله طب لو من وراك
    قاله هضربه بالبندفية
    قاله طب لو من الجنب
    قاله هو انا هروح احارب لوحدي؟؟

    ده ايلي احنا فيه
    عسكري
    ومطلوب منه
    ينزل يحارب لوحده ومش معاه غير بندقية

  7. marooned84 26/02/2009 at 3:49 PM #

    meen elli 2al ennena n7areb? bs 3al a2al neb2a bni admeen y3ni… 3al 3mom el 7arb elli 7asalet di kashafet 7agat kteer awi.

    nice blog bgad, very personal

  8. Cinderella 03/03/2009 at 12:22 AM #

    kanet kol elnas mashya t2ool lazm n7arb :) leek 7a2 nb2a bni admeen w ns7a shwya :)

    thank u for your comment :) seriously it’s very appreciated ..u made me happy anyway :D

Have something to say?

Fill in your details below or click an icon to log in:

WordPress.com Logo

You are commenting using your WordPress.com account. Log Out / Change )

Twitter picture

You are commenting using your Twitter account. Log Out / Change )

Facebook photo

You are commenting using your Facebook account. Log Out / Change )

Google+ photo

You are commenting using your Google+ account. Log Out / Change )

Connecting to %s

%d bloggers like this: