مصطفي

14 Jan

من  زمان

من واحنا صغيرين

في صحوبية غريبة بيني انا وابن خالتي (مصطقي)اه ..اصله اخويا في الرضاعة

ادي في السن ,ولد جميل.شاعري,نقي اوي

وبجد شخص جميل ونظيف ,دمه خفيف

وذوقه في الاغاني زيي)يعني حلو(

:P

عارفين اكتر حاجة بتجمعني انا ومصطفي سوا من واحنا صغيرين

شوية اغاني

شوية اغاني كانت تشتغل في العربية واحنا سوا

او واحنا عند خالتو في العجوزة

او في بيتنا

او في فايد

عند جدتي ..في دروس ثانوية عامة ..كل حاجة

في اي حتة

لو مصطفي وانا مع بعض..هتلاقينا بنغني اغاني ساعات غبية وساعات رخمة وكتير حلوة ..كئيبة ومفرحة ..ميتال وبوب وعربي وبيئة حتي

امبارح روحت من البيت متاخر اوي

بعد ما طلعت البيت لقيت ماما بعتالي رسالة وانا في الاسانسير (ممكن تروحي تعدي علي مني تجيبيهالي)وكان المصير اني نزلت تاني من البيت

واقفة قدام بيت خالتو..مستنية مني تنزل وامبارح كان يوم برد فوق العادة ..برد بطريقة مفرحة

وقعدة اسمع اغانيا من الموبايل وبفكر (هو الواد مصطفي مش بيته ازاي وعربيته هنا ..اكيد نايم)وفجاة طلع

ياعيني كان عند دكتور السنان

وجالي(ااااااااااااه مش قادر خلااااااااااااااااص شنانيييييييييييييييييييييييييييي)وقعد يحكيلي علي ايلي حصله في الشغل وازاي كان نص عينه مقفوله بسبب العصب السابع ايلي وجعه بسبب عصب الضرس

وروحت قايلاله (كالعادة بتاعتنا) اسمع يا مااااااااااان الاغنية دي

سمعته اول اغنية ..ابعتيهالي علي الموبايل

التانية …جامدين

COld play

ابعتيهالي

الثالثة ..قالي دي جامدة اوي وراح معليها وابتدينا احنا الاتنين نحرك راسنا يمين وشمال ورجلينا بتدب في الارض مع كلمات الاغنية الميتال الغريييييييييييييبة

PSycho,groupie,cocaine,crazy

PSycho,groupie,cocaine,crazy

PSycho,groupie,cocaine,crazy

makes u high,makes u hide,make ur eyes wanna fall

go

وابتدينا نضحك

نضحك اوي علي منظرنا

وفكرني اننا زمان حاول يسمعني اغنية للفرقة دي ومعجبنونيش

وحاوال يفكرني بانه يهز راسه وهو بيزعق بكلمات الاغنية

جتلي هيسترية ضحك غريبة قعدت اضحك

وهو (ياكلبة بتضحكي عليا)ويضحك علي ضحكي

بس وسلم عليا ومشي وهو ماشي افتكرت شكله وهو بيحاول يفكرني ..قعدت اضحك راح جي علي الشباك ايلي جنبي وقالي(والله هجبهالك يا كلبة بتضحكي عليا )المهم انه هو نفسه قاعد بيضحك

اه يانا

كتير اوي بقا

تلاقينا احنا الاتنين في العربية في اي اشارة بنغني بصوت عالي جدااااااااااااا

بنبقي قافلين الازاز ومعلييين الكاسيت اوي وبنغني ومش همممنا اي حد حولينا ولا منظرنا ولا اي حاجة

تخيلوا عربية جنبيكو فيها اتنين لاسعين بيحركوا بؤهوم بشكل غبي وبيضحكوا 

هتقول عليهم لاسعين اكيد

من الاغاني ايلي جي علي بالي دوقتي

  • اغنية ميتكاليكا

Gimme Fuel

  • اغنية aerosmith ايل اسمها 

Dude is like a lady

  • واغنيةFreddy Mercury ايلي فيه

ا Mama mia mama mia let me go

(الاغنية دي بقا جامدة جدا..كوميدية ..كان رمضان ومصطفي وكريم جم قالولي تعالي معانا نجيب ميمي من الشغل ..واحنا في العربية انا قعدة روا وكريم بيسوق ومصطفي جنبه وشغله الاغنية وهم الاتنين حفظنها وابتدوا يحركوا بوقهم علي كلماتها من غير ما يطلعوا صوت وفي حتة معينة الاتنين يبصولي ورا ويحركوا ويغنوا ..ضحكت ضحك علي منظرهم ..كان حتة يوم ..المهم في اليوم ده اما جبنا ماما واحنا بنحضر تربيزة السفرة بقول لياسمين كان لازم تسمعي الاغنية انهاردة ..فا حكتلها المهم كريم قالنا معلومة ان المغني اصله من اسكندرية ..قلتله امال اسمه ازاي كده قالي مش عارف ..روحت قايلاله اكيد كان اسمه هنا (فريد زئبق) ..مصطفي وكريم وياسمين بصولي وبصوا لبعض ومبطلوش ضحك ..(من المرات الاولانية في حياتي ايلي اخدت بالي ان يمكن دمي يطلع خفيف) ومن هنا بقت دي (سيييم) بينا 

فريد زيبق

..كل ايلي جوايا دوقتي ان ..اه ده جزء مني  : )

Advertisements

4 Responses to “مصطفي”

  1. washwashat 16/01/2009 at 7:43 AM #

    حبيت البوست ده اوي. حكيك حقيقي اوي و دخل قلبي اوي :)

    شفتي كام أوي في جملة واحدة؟ :D

  2. Cinderella 16/01/2009 at 5:40 PM #

    :D انا مبسوطة اوي انك حبيتي البوست ده اوي
    اصله بصراحة انا بكتب ايلي بقوله بالضبط اوي اوي

    وبكده اكون انا ازيد في الاوي عن جملتك
    :D:D

  3. أمل 06/05/2009 at 3:59 AM #

    ..(من المرات الاولانية في حياتي ايلي اخدت بالي ان يمكن دمي يطلع خفيف)
    يمكن دمك يطلع خفيف؟
    انتي متواضعه قوي

    وانا حبيتك قوي :)

  4. Cinderella 06/05/2009 at 10:07 AM #

    اصل ايلي يبقي مع ميمي بيحس انه دمه تقيل اوي
    :)
    فا دي من المرات ايلي حسيت فيها ان لا يمكن اكون طلعالها :)

    وانا كمان حبيتك علي فكرة :)

Have something to say?

Fill in your details below or click an icon to log in:

WordPress.com Logo

You are commenting using your WordPress.com account. Log Out / Change )

Twitter picture

You are commenting using your Twitter account. Log Out / Change )

Facebook photo

You are commenting using your Facebook account. Log Out / Change )

Google+ photo

You are commenting using your Google+ account. Log Out / Change )

Connecting to %s

%d bloggers like this: