عم سعيد

26 Jan

امبارح رايحة الشغل 12 الظهر(بس المرة دي من مديري)عندي تدريب

خلصته و هحضر انا تدريب (مبيعات)مع بنا(زميلنا)المهم

كان جميل و خلص خلاص ..نازلة من الشركة مش شايفة قدامي..مش عشان تعبانة بس ولا عشان عندي درس بعد الشغل (الساعة 10 بالليل)بس عشان الدنيا كانت بالليل(9 بالليل)

انيس(زميلي)راح موقفلي تاكسي :المهندسين

الراجل وقف..اول ما ركبت بقوله :محي الدين لوسمحت

السواق:استني اما نطلع اكتوبر وقولي ايلي انتي عايزاه..هاه عايزة تسمعي كاسيت

انا:حضرتك ايلي بتسوق براحت حضرتك (وببلع ريقي)

السواق:براحت حضرتي ..طيب انا عايز اسمع كاسيت

وراح مشغل (جووجوجوو بقيت تلعب بوكر وبتشرب جين ووكر جوجوجو)

في عقل بالي : يا صلاة النبي

..المهم ابتديت اتفرج من الشباك والدنيا برد اي نعم الموسيقي مش مساعدة بس انا مصرة اني استمتع بالمنظر

ببص علي محطة مصر لقيته بيقولي:مكنتيش تشوفيهم اول امبارح كانوا عاملين اضراب

انا:هم مين دول وليه؟

السواق:سواقين قطرة الاسكندرية اصلهم عايزين يغلوا التذكرة تبقي 45 جنيه حرام يعني

انا:يكون في عونهم

السواق:ايلي يشوفني بسوق دلوقتي ميشوفنيش بسوق القطر الصبح

انا روحت معدولة كده وقلتله :هو حضرتك سواق قطر

السواق:ايوه بسوق قطرة بس مش اي قطر ..بسوق قطر اسكندرية و لقصر ومش بقف في حتة

انا:هو حضرتك اسمك ايه؟

السواق: عم سعيد :)

انا:وياتري ياعم سعيد انهي احسن العربية ولا القطر؟

راح قافل الكاسيت ..

عم سعيد:القطر طبعا الواحد بيضبط حاله و اي حاجة في وشه هيشيلها مش بيفضل كلكس وبتاع ده انا لسه امبارح شايل 3 رجالة كانوا واقفين بس جنب القطر الهوا رماهم تحتيه موقفتش طبعا فضلت مكمل طريقي وكلمت الاسعاف تجيلهم

انا:وايه ايلي جبهم جمبه مش يخلوا بالهم

عم سعيد:لا ازاي تقولي كده ..ايلي جبهم قدرهم

..سكت ولقيت كلامه صح(سبحان الله)

المهم الحوار كان طويل

بس في اخر وعدني اني اما اجي اركب القطر تاني اروحله قطر اسكندرية 319 واسال عليه وهو هيركبني معاه قدام..بجد كان لازم تشوف فرحته وفخره وهو بيتكلم عن انه سواق قطر ..واد ايه بيستمتع بالشغلانة بتاعته وهو بيتفرج علي الدنيا رايح جي وبيشوف في كل مرة حاجة جديدة مشفهاش قبل كده(رغم انه عنده 50 سنة واصغر سواق قطرة في محطة مصر وكل السواقين بيحسدوه ان السن مش باين عليه)واد ايه هو فرحان انه معروف (بذات نفسه)وبالاسم لرئيس هيئة النقل بانه اسرع سواق قطر وبيطلبه كتير في مهمات سرية ..(قالي عليها بس انا مش هقدر اقولها هنا)هفضح الراجل كده

وراح قايلي :عارفة انتي احلي من سعاد حسني

نشكحت انا اوي بقا :)

PS: while i was talking to 3am sa3eed …i remembered Rana and wished she was there with me :)

Advertisements

8 Responses to “عم سعيد”

  1. washwashat 26/01/2009 at 6:50 PM #

    و انا كمان افتكرت رنا و انا باقرا البوست.. وحشتني اوي البنت دي.

    سيندي.. على فكرة.. انتي أحلى من سعاد حسني :)

  2. Cinderella 26/01/2009 at 8:03 PM #

    كلمتها قولتلها افتكرتك انهاردة وانا مع عم سعيد :)
    انا شبه سعاد حسني؟ياسلام يا علا لو تشوفي الابتسامة ايلي علي وشي دوقتي :D

    هيييييييييييييييييييييييييييييييييييييييييييييييييييييييييييييييييييييييييييييييييييييييييييييييييييه :D

  3. FARAKAA 28/01/2009 at 12:25 PM #

    طبعا أنتى عارفه أنى بشوفك أحلا من سعاد حسنى ومش علشان انتى بنتى ..ولا الكلام اللى بتهبطى بيه من نفسك ده.
    ثانيا نسيتى تقولى من ضمن سعادته انه بيشيل اللى قدامه .. بس أيجابى بيطلب الاسعاف .. بالطريقه دى يطلب التربى .. اسعاف أيه؟!!!
    حسيت أنى معاكى فعلا

    • Cinderella 30/01/2009 at 12:37 AM #

      :))) merci ya farakaa
      tb3n so3ad 7osni..akeed :D:D
      ama 3n eles3af 3la el2a2l bytsl beeha :S

  4. glintingshadows 30/01/2009 at 12:50 PM #

    loooooooool :D:D:D ezaaay tant beda7akni keda:D ur funny too bs 3arfa lama el wa7ed yakhod men el maba3 3alatool beyb2a 2ala2… el mohem ana knt dakhla hena 3ashan 2a2olek el ragel 3ndo wght nazr brdo… a7la men el cinderella :)

  5. Cinderella 31/01/2009 at 8:13 PM #

    yeaah my mum is the source asasn :D:D
    as for the wght elnazar ..
    allah ykrm aslk ya sokaynana :D

  6. أمل 06/05/2009 at 3:40 AM #

    أنا مش فاهمة انشكحتي ليه لما قالك انتي احلى من سعاد حسني؟

    المفروض سعاد حسني الله يرحمها هي اللي تنشكح

    سعاد حسني مين؟ ايش وصلها ليكي اساسا

    يابنتي انتي احلى كتير والله العظيم

    انا بحلف بالله العظيم انتي احلى منها بكتيرررررر

    ماشاء الله لا قوة إلا بالله :)

  7. Cinderella 06/05/2009 at 9:44 AM #

    لولولولولولولليييييييييييييييييييييييييييي
    :D :D :D :D :D
    احلي منها مرة واحدة؟ وسعاد ايلي تنشكح مرة واحدة؟؟
    انتي هتعملي زي ماما
    طب ماما وبقولها القرد في عين امه غزال
    هقولك انتي بقا القرد في عين اخته غزال :D

Have something to say?

Fill in your details below or click an icon to log in:

WordPress.com Logo

You are commenting using your WordPress.com account. Log Out / Change )

Twitter picture

You are commenting using your Twitter account. Log Out / Change )

Facebook photo

You are commenting using your Facebook account. Log Out / Change )

Google+ photo

You are commenting using your Google+ account. Log Out / Change )

Connecting to %s

%d bloggers like this: