كل البنات بيحبوا الشيكولاتة

3 Mar

نقول كمان يمكن تعلم المرة دي “كل البنات بيحبوا الشيكولاتة”اسم فيلم لاحمد حداد

انهاردة يوم طويل فوق الخيال..بس بصراحة غريب!ليه؟مش عارفة لسه

احداث شغل كتير اوي ..كلام كتير ..بيعدي ..وكتير مبيعديش

كنت لابسة البلوفر الفوشيا بتاعي انهاردة ..كل البنات قعدوا يقولوا “الله حلو اللون جميل عليكي”وانا بحب اللون اقر لشخصيتي ..اي نعم الاحمر بالنسبة لي حاجة تانية بس بحب الجراة ايلي في اللون ده ..صايع

المهم كنت متفقة من امبارح مع سارة اني هاجي حفل توقيع كتاب صاحبتها سلمي ..وفعلا روحت ..مجتمع جديد عليا ..نقدر نقول غريب شوية؟هو غريب بس جديد وارتبط عندي خلاص ارتباط شرطي برائحة الحشائش..اصل الحفلة كانت في حديقة مركز الثقافي الدولي ..مكان تحفة تحفة ارتحت فيه اكتر ما ارتحت في اي مكان بقية اليوم..وقريب من بيتي فا ممكن ابقي اتمشاله عجبني !المهم قابلت صُحبتي حبيبتي وقعدت وناس بتتكلم وتناقش ..وانا مستمتعة برائحة الجو و الست نخلات ايلي كانوا حوليا

كان نفسي اروح شايلة الكرسي وازحزح الكرسي ايلي قدامي شوية وانام علي ظهري علي الحشائش الخضرااااااء واحط ايدي تحت راسي وياسلااااام لو النور يقطع ومش عايزة حاجة تانية ..هدوء وغطا وشكرا

كل ده كان في بالي ومليون نفس وعين حوليا : ) فا كنت كل شوية ابتسم كده وانا متخيلاني نايمة علي الارض :)

شوية وعرفنا ان احمد حداد هيجي وفيلمه هيتعرض..قررنا نقعد نستني وفعلا قعدنا واتعرفنا علي بنت صحفية هناك قعدت تتكلم وتحي عن البنات ايلي بتشوفهم في دنيتها واد ايه البنات دلوقتي شخصيتهم بقت قوية وللاسف عشان كده مش بيتجوزوا ..او ده من اهم الاسباب طبعا

احمد وفيلمه جه ..وابتدا الفيلم باغنية لا تجبلي الشاكالاتة لا بلاش يا ولا

الفيلم علي بعضه تلت ساعة تقريبا ..بس ضحكت وعيني دمعت و فكرت وافتكرت واشتريت شيكولاتة :)

بعد كده رجعنا تاني لصحاب سارة واحتفالهم بحفل توقيع الكتاب ..ناس جديدة غريبة ..كنت ساكتة ولاولللللللل مرة بتفرج

في الطريق التاكسي ايلي ودانا كان راجل جامد اوي ..كل ما يشوف ولد من جيل دابور يقول اصله مبيطرقعش كرانشي :D

المهم كان يوم حلو ..

انهاردة طول منا في التاكسي رايحالهم ماسكة الكاميرا في ايدي ومش عارفة اصور ..ماسكة القلم في ايدي ومش عارفة اكتب ..مش عارفة ليه..بجد بزعل من نفسي كده ..عايزة اسييييييييب اعصابي شوية ..اخد فترة مع نفسي

وحشني صوت التفكير

والاحلام والتنهيد

صوت ام كلثوم والهوا بيتسرسب في حضني

وحشني صوت التنهيدة وضحكة بعيدة

بحلم انها تقرب ..بس تقرب والسلام

مش عايزة منها اي كلام ..تقرب وانا هقرب انا كمان

بصحي كل يوم بقول هو ده اليوم ولا لا؟

ومش عارفة اقصد ب-ده ايه..بس اهه بساله وخلاص

يمكن اما اشوف -ده-تجيني الاجابة عليه

وحشني ضمة وحضن مستنياهم بفارغ الصبر

مستنياهم بفارغ العمر

ب-مـٍلو الحلم

Advertisements

2 Responses to “كل البنات بيحبوا الشيكولاتة”

  1. وشوشات 04/03/2009 at 7:44 AM #

    يااااااااااه يا سيندي.. أخدتيني لهناك.. هناك أوي :)

    استمتعت أوي بالبوست و بعودتك للتدوين :)

  2. Cinderella 04/03/2009 at 7:14 PM #

    Washwashat :) انا مبسوطة انك جيتيلي اساسا :)
    بستناكي علي فكرة :)

Have something to say?

Fill in your details below or click an icon to log in:

WordPress.com Logo

You are commenting using your WordPress.com account. Log Out / Change )

Twitter picture

You are commenting using your Twitter account. Log Out / Change )

Facebook photo

You are commenting using your Facebook account. Log Out / Change )

Google+ photo

You are commenting using your Google+ account. Log Out / Change )

Connecting to %s

%d bloggers like this: