مصر

4 May

انا كاتبة البوست ده بقالي 5 ايام ومش بنشره

وامبارح رحت حفلة وسط البلد في الساقية والاغنية دي خلتني بقول لنفسي لا هنزلللللله

الاغنية اسمها (هيلا هوب) لوسط البلد هكتب كلماتها ولو عرفت اجيب لينك ليها هجيب

هيلا هوب وهيلا ليصة

لو تكون صعبة وعويصة

حط كتفك جنب كتفي

لقمة ناشقة حفت كفي

تطلق الغنوة الحبيسة

هيلا هوب وهيلا ليصة

هيلا هوب وهيلا يلا

العمر والارزاق علي الله

يلا يا ايوب زمانك

من العباد ما حد عانك

اطرد الفكرة الخبيثة

هيلا هوب وهيلا ليصة

هيلا هوب وهيلا هوبا

يابن بلدي الغربة صعبة

البلد دي ترابها اغلي

مرها من الشهد احلي

عذابها متشرب هريسة

هيلا هوب وهيلا ليصة

http://www.6rbtop.com/listen.php?song_id=45374&type=au&q=hi

بحب شوارعها  و حواريها

الزحمة المتربة,بحب شوارعها ايلي الرصيف فيها صغير ومش عارفين نمشي عليه,بحب فيها الزبالة و قلة النظام و الركنة البشعة,والركنة الصف تاني وتالت ورابع

بحب زحمتها

بحب زحمتها جدااا وازاي كلنا بنبقي زي العائلة واحدة محبوسة سوا في مكان واحد

كل واحد فينا بيفكر في حاجة وعنده مكان يروحله,بجد بحب الزحمة ..اكيد طبعا مش كل الاوقات

بس بحب اقف كده وبتفرج حوليا علي كل الناس,وكتير بطلع ورقة وقلم وبالف قصص عليهم :)

بحب ريحة مصر

اه العادم حبيبي,و ريحة المترووووووووووووووووو برضه

اصل دي مصر بتاعتي انا,دي مصري :)

بحب وشوش الناس,وهم مبوزين,بيتخانقوا,بيعيطوا,بيفكروا,اصلنا شعب غلبان اوي,بنضحك,بنهزر

بنكون مهما نكون بنكون مصرين

بحب فينا كل حاجة,حتي سلبيتنا في الاخرو,انا متاكدة انها فترة وهتعدي

بحب فينا صبرنا وحمدنا لربنا,بحب حبنا لبعض ولمتنا علي الفرحة

بحب فعلا ان اما يكون في فرح في بيت حد حولينا بنبتسم حتي لو مش عارفينه او عارفين هم فرحانين ليه

بحب ازاي اما النور يقطع الناس بتطلع في البلكونة تبص علي بعض,واول ما النور يجي بيجروا لجوا عشان ميتشافوش

بحب ازاي واحنا بنعدي الشارع مجاميع كل واحد بيبص علي ايلي جنبه ويعدي

ازاي كتير اوي بنسامح بعض لو عربية معدتناش بنشاورلها ونبتسم,ازاي ساعات بنشوح ونقول عدديييي يا اخويا

بحب ازاي في رمضان وزحمته كله بيبقي عايز يوصل قبل المدفع اكنه لو ضرب وهو برا مش هياكل

وازاي ساعات اما بيضرب علينا واحنا لسه بره بنعزم علي بعض وعلي ايلي حولينا في العربيات بالاكل ايلي معانا

بحب ازاي فيه منا ايلي زعلان منها و بيصلح فيها عشان بيحبها

و بحب ايلي بيسافر ويرجع اه بيبقي تعبان من العادم ومش مصدق الزحمة بس بيبص علي مصر وبيبتسم وياما سافر ورجع باس ارضها

بحب ازاي لحد دلوقتي اما اسمع النشيد الوطني وانا في اي حتة بقوم اقف ..لحد دلوقتي حتي وانا في احلك الحالات الزعل منها بقف برضه ..اصلها جوايا

بحب ازاي كتير اما حد يتكلم عليها بقسوة اوي بعيط وبدافع عنها ..دي مصري ان

بحبها الساعة 12 بالليل والشارع عندنا فاضي وشلة شباب الشارع واقفين علي عربية حد فيهم بيغنوا ويصفروا اغاني وازاي في رمضان بياخدوا بعض ويروحوا يصلوا ..وازاي لو حد غريب عاكسنا بيضربوه ومش بيسكتوا

وازاي بيمسكولنا الاسانسير و ازاي جم زاروا اخويا في المستشنفي رغم انهم عمرهم ما كلمونا مرة واحدة حتي

بحب ريحة الشارع عندي و شكل الشجر فيه اكنه ماسك ايدين بعض ..اول الشارع عندي بالنسبة لي الوطن ..

بحب مدرستي وشارعها العادي المؤدب زي بنات المدرسة ..بحب ازاي مدرستنا علمتنا اننا منحكمش علي حد بناء علي دينه و جنسيته ولا نوعه وازاي احترم الوطن العلم النشيد

بحب مصر وا اعشق ترابها

كتيييييييييييير اوي بيبقي نفسي اقف في وسط الشارع وازعق بحبك يا مصرررررررررررررررررررررررررررررررر

بحبكم يا مصرييييييييييييييييييييييييييييييييييييييييييييييييييييييييييييييين

بعملها بصراحة بس اما اكون في عربيتي ومشية بسرعة اوي :)

بحبك يا مصر وبعشق ترابك

Advertisements

17 Responses to “مصر”

  1. أمل 05/05/2009 at 9:41 AM #

    ساندي يا جميلة
    اسمحيلي ادلعك بساندي … أصل ماينفعش غير انك تدلعي :) … الدلع مخلوق علشانك
    لسة الفجر كنت في مدونة مامتك وقريت كانت بتلاعبك وتشيلك وتدلعك ازاي

    في ام حلوة وجميلة كده؟
    ربنا يخليهالك يارب ويفرحها بيكي دايما

    بالنسبة لوسط البلد … انتي رجعتيني لجو انا بموت فيه
    اصلي كنت مدمنة حفلاتهم …كنت … من حوالي سنتين كده … بس الجواز وسنينة بقى خلاني سافرت مع جوزي وقاعدة بعيد عن مصر وبعرف الاخبار باللاسلكي :( قلبتي عليا المواجع يا ساندي و رجعتيني لجو مصر قوووووي

    جميلة زي مامتك :)
    مرسي على الاغنية وكلامتها

    كان نفسي احط تعليق على كل بوست انتي كاتباه بس قولت بلاش اعملك دوشة

    لكن في بوست مش قادرة امسك نفسي ولازم اقولك عليه
    بوست القطط بتاعتك لما مشوا

    انا حسيت بيكي قوي لاني مريت بالموقف ده من زمان وكانت القطط روحي
    بس انا كانت قطة واحدة وماما مشيتها علشان ريحة البيت والهانم قطتي (بسبوسة) كانت خاربة بيتنا مش بتاكل غير أكل القطط كان مصروفها في الشهر لوحدها مش أقل من 300 جنيه

    وطبعا بتاكل بنهم ومفجوعة وبتبقلز
    ماما زهقت منها واديتها لخالي :( وكان يوم درامي وهي ماشية
    فضلت تجري في البيت وتستخبى في أوضتي كإنها عارفة انهم حياخدوها مني
    طبعا كل التوسلات والعياط مانفعش ان ماما تخليها
    بس اهي مشت

    وخالي لما أخدها عنده اتجوزت القط بتاعه قليلة الادب
    وخلفت 4 قطط
    وخالي باعها بعيالها بالقط بتاعه وعزمنا بالفلوس على مصيف :( عاجبك كده؟

    بوست تاني أثر فيا وانا بقراه … لما كتبتي عن بباكي … على فكرة ما شاء الله هو وسيم جدا وانتي اسلوبك بسيط ورقيق … فعلا حسيت انك سندريلا حقيقية

    انا قعدت اقول بلاش اعملك دوشة ومن تعليق واحد عملتلك قلق وحكيتلك قصة حياتي

    خلاص هامشي اهه

    بس قبل مامشي … ارجوكي اكتبي على طول يا ساندي … انا حسيت اني في مصر بيكي
    جايالك تاني
    :)

  2. Cinderella 05/05/2009 at 2:02 PM #

    امل يا امل
    ازاي تقولي تدوشيني؟ بجد زعلتيني :(

    انا هرد بقا علي كل بوست عجبك هناك عشان تجيلي هناك مستنياكي ;)

    اما عن مصر ..انا مبسوطة اني قربتك ليها
    اما وسط البلد يا ستي شريطهم التاني هينزل وسمعونا في الحفلة الاخيرة كام اغنية جديدة ..بصراحة ومش حلوين اوي يعني :D ..

    هحط هنا صور ليهم لقطتها وقت الحفلة :)

    هستناكي في البوستات التانية

  3. inas 05/05/2009 at 8:33 PM #

    أميرة الحواديت الجميلة : سندريللا

    أنا عديت الصبح و قريت إدراجك الجميييل ده وسمعت الأغنية و عجبتنى قوى .. و فرحت

    بيكى قوى يا قمر .. و فرحت بجيلكم قوى على فكرة أنا حاسة والله إن إنتوا بإذن الله هاتكونوا

    أحسن مننا و تعملوا حاجة للبلد دى .. بالمناسبة أنا نفسى قوى أحضر حفلة أو أى

    مناسبة من المناسابات اللى فى الساقية الجو ده عاجبنى قوى بس للأسف ظروفى ما

    بتسمحش لكن مين عارف يمكن مرة من ذات المرات أعملها و زى ماتيجى بقى و أقابلك إنتى

    و ماما هناك على فكرة بوسيهالى و سلميلى عليها لأنى كنت عايزة أتصل بيها النهاردة ..

    بس كانت قافلة الموبيل .. و بعدين رنت لى و أنا مخدتش بالى غير بعدين .. ودلوقتى حاسة

    إنها جاية تعبانة من الشغل ها أخلى الإتصال ليوم الخميس و لا حاجة تكون الظروف مناسبة

    أكتر .. على فكرة بعتلك إمبارح على الميل بتاع ماما كارت ياترى قالتلك عليه و لا نسيت ..

    لأنى ما لقيتش ليكى هنا ميل أبعتلك عليه .. وعلى فكرة برضه من ضمن التوارد اللى بيننا إن

    كمان كاتبة حاجة شبه اللى إنتى كاتباه النهاردة عن مصر بس أنا كاتباه عن القاهرة ..

    ياريت لو تنورينى فى أى وقت و تشوفيه ها أكون فى غاية السعادة .. أنا رغييييييييت

    كتييييييير قوى معلش باى باى دلوقتى وسلميلى على ماما و تصبحوا على خير .. تحياتى و

    قبلاتى و حبى

  4. Knee 05/05/2009 at 11:28 PM #

    gameel awi awi awi AWI el post da !!!
    3yza atlob mennek talab..ana nefsi a3mel copy w paste le kalamek da w a7otto 3al account bta3 el facebook bta3i 3shan elnas tshoufo w tbattal t2oul masr w masr….tesma7eeli?? ha7ott el link bta3 el blog bta3ek w hakteb enno msh bta3i akeed..bas nefsi a3arraf el nas enno fee nas bet7ebb masr bel shakl da lessa :)

    el pots da bgad assar feyya awi…bgad mn zman ma2aretsh 7aga w hazzetni keda..”gave me chills” zai ma bey2oulo..
    ana fel awel besara7a kont nefsi anaffad lel post 3shan el 5att elbashe3 elly enti katba beeh da :D loool wennabi kabbari el5att shwya :D

    I really like you w bgad “ba7ebbek” ennek katabti post zai da :)
    Keep up the amazing stuff ;)

  5. Knee 05/05/2009 at 11:35 PM #

    a2ollek…ana ha3mel quoting lel link :)

  6. Cinderella 06/05/2009 at 12:15 AM #

    kneeeee be my guest sure u can do copy and paste bs keep me posted with the comments looooool as for the writing h3’yrooo sure bs bokra elsob7 isA :D

    Am sooooooo happppppppy that my feelings gave u the chills coz seriously i didnt think ..i wrote as i felt it..i didnt revise it either :) am happy .. U made my day :) seriously u just did ..thank u

  7. Cinderella 06/05/2009 at 2:26 PM #

    اينااااااس لازم تيجي مرة
    بجد امي كانت معاندة بس اما جت مرة عجبها الجو جدا
    انا زورتك هناك كتير بس لسه التعليقات بقا ;)

    ادعيلي عشان ورايا شغل و مذاكرة والله :$

  8. Someone 09/05/2009 at 9:08 PM #

    ana mabsota beky awy :)

  9. Cinderella 09/05/2009 at 11:01 PM #

    Someone :D thank u so much :D :D

  10. ضحى 23/05/2009 at 1:20 AM #

    وانا كمان بحب مصر اووووي
    وبحب اقف برضو اتفرج على الوشوش كللها
    بقعد اقول فى نفسي الوشوش دي مصرية واكيد هطلعها من وسط مليوون جنسية تانية
    الوش اللى بيحمل هموم ومع ذلك بيضحك من اقل نكتة
    اللى ماعندوش بروتكول تعارف ولا استئذان
    ممكن يقرا الجرنال في ايد اللى جنبه
    واللى يضحكك ان اللى جنبه هيبقى هيتفرس لإنه “مابيحبش حد يقرا معاه”
    ومع ذلك بنحب بعض جداا
    وبنخدم بعض جداا
    ولو حد سألنا على عنوان لو نطول ننزل معاه نوصله “اصل الدنيا مافيهاش أمان”
    ايوة فينا ناس مش كويسيين وما بيحسسوناش بأمان
    لكن هيفضل أصالة ناسها الطيبين تنسينا اي حاجة شوفناها فيها

    بجد يا ساندي عجبتني النوت اوووي
    وعجبني حبك لمصر أوي

  11. Cinderella 27/05/2009 at 1:26 PM #

    الله علي ردك يا ضحي :)
    انا مبسوطة اوي اولا انك هنا
    ثانيا انا مبسوطة انك بتحبي مصر كده :) بنفس الطريقة ايلي بحبها بيها :)

    شكرا يا ضحي :)

  12. amira samy 09/06/2009 at 4:23 AM #

    سيندى جميل اوى اللى انتى كاتباه بجد مش جديد على واحده عسوله زيك ياقمر

  13. Cinderella 12/07/2009 at 10:09 AM #

    :) thank u Amira :)

  14. Wahdah Wahedah 12/07/2009 at 4:11 PM #

    بحبك يا مصر و باعشق ترابك
    بحب الحقيقه و كل احتمالك
    بحبك يا “مصر”ى” ” لأبعد حدّ
    و ماقبلش كلمة من لسان حدّ
    كلمة عليك ,, كلمة تمسّك
    حقك علينا إنّا نحسّك
    إنت مصر .. و مصر إنتى
    و مهما كان ,, إنتى حبيبتى

  15. Cinderella 12/07/2009 at 9:53 PM #

    allah :)
    bgd

  16. Wahdah Wahedah 18/07/2009 at 9:57 AM #

    ألف مليون سلامه عليكى يا ساندى
    يارب تقومى بالسلامه يارب و ربنا يطمنا عليكى
    انا لسه هاعرف دلوقتى
    ربنا يعفى عنك يارب

  17. Cinderella 31/07/2009 at 9:55 PM #

    Allah yslmk ya Wahdah Wahedah :) .. ed3eely :)) w bgd shorn enk fakrani

Have something to say?

Fill in your details below or click an icon to log in:

WordPress.com Logo

You are commenting using your WordPress.com account. Log Out / Change )

Twitter picture

You are commenting using your Twitter account. Log Out / Change )

Facebook photo

You are commenting using your Facebook account. Log Out / Change )

Google+ photo

You are commenting using your Google+ account. Log Out / Change )

Connecting to %s

%d bloggers like this: