أنا حرة

24 Jul

اه انا حرة

واموت في الحرية

الفكرة في حاجة

كون اني دمي خفيف ده ميخلنيش هفء

وكوني اني رومانسية ده مياخدش من كوني الواقعية

وكوني اني مرحة ده ميقلش من اني جد برضه


وكوني ببتسم في وش الناس ده مياخدش من احترامي

وكوني بنط طول الوقت و بجري وبتحرك ده ميقلش من هدوئي وقت ما اكون عايزة

وكوني جدعة وبنت مجدع ده مياخدش من انوثتي اي حاجة خالص

وكوني قوية و شديدة في اوقات ده مش معناه اني مش ضعيفة ..لاني ضعيفة في اوقات تانية

وكوني قاسية و سخيفة في اوقات ده مش معناه اني مش حنينة او طيبة


كل الحكاية

وبكل بساطة

انا حرة

!!

ومش اي حد بيفهم ده

الناس بتبقي فاكرة اني متناقضة ..لا انا مش متناقضة

انا فيا كل حاجة وعكسها مش اكتر

انا بعرف امتي _علي اد ما اقدر_اعمل ايه ومع مين وازاي

ومع الناس ايلي بحبها مش بفكر في ده كله ..

انا مع الناس ايلي بحبها ..

بكون ..ايوه بس كده ..بكون :)

اه بعمل وشوش للكاميرا

واه وشي معبر وبعمل حركات غريبة بيه

اه بطلع لساني

واه ببخ

وبنونو

واه ضحكتي ساعات صوتها عالي

واه ساعات وانا بسوق بشتم

واه ساعات بسخف علي الناس

واه اما بشوف طفل رزل بعيطه وبسخف عليه

واه ساعات اما بكتئب باكل

واما اعوز حاجة بقول

واه بقول كلام غبي كتير

واه بعمل حاجات بندم عليها كتير

واه علي فكرة بعمل عبيطة وغبية

وبعدي حاجات كتير من الناس بمزاجي عشان عايزة اعديها

واه زنانة بنت لذين اوقات كتير

واه لو اتسئلت سؤال ومش عايزة اجاوب مش هجاوب

ولو حاسة اني عايزة اغني..هغني وعلي فكرة صوتي وحش اوي وعلي فكرة كمان مش ببقا عارفة كلمات الاغنية بس برضه بغني

واه لو البني ادم ايلي قدامي مش عاجبني هبقي سخيفة وهطلع تربنتينو

واه انا عارفة ان مش حد يحبني

ولا اي حد يستحملني

انا كل حاجة

انا ولا حاجة

انا كل حاجة بجد وعكسها

..انا مشكلة

ومصيبة ساعات

انا عنيدة ومطيعة ساعات

انا دوشة وساعات كتير ببقا الخرس بعينه

انا لخمة وساعات كتير ببقا العقل والسكنات

انا كتير بتأمرك في الكلام وكتير برضه ببقا بلدي وحلوة ونغشة كده

انا طفلة

انا بنت وبنوتة

انا ام

وساعات ببقا البنت اللطيفة الكتكوتة

انا الزئبق ايلي محدش يعرف يحددله ملامح

ومع ذلك انا سهل اوي اتفهم وبنشرح اما الاقي ايلي يفهمني

لاني بتفهم غلط كتير اوي ..

كل حد بيبص علي الحاجة ايلي محتاجها بيلاقيها عندي

وبينسي اني برضه حاجات تانية كتير

..

بس الغريبة

ان بقا

كل الناس دي

وغيرهم كمان

بينسوا حاجة مهمة اوي

اني كائن

مستقل بذاته

حر في تفكيره

وتصرفاته

اني كائن حر

انا حرة

:)

وايلي مش عجبه

يخبط راسه في الشباك

او يرمي نفسه في الحيطة

This slideshow requires JavaScript.

أنا حرّه وأموت في الحريّه
ومزاجي أعمل سحلـيّـه
أزحف ع الأرض وع الحيطه
واطلع وانزل واعمل زيطه
واضرب في الشمس طرمبيطه
أنا حره بديلي وبراسي
وماحدّش يكتم أنفاسي
وما احطش ماسك لإحساسي
ولا احط قزاز
ولا أقفل شيش
عقلي يا هزاز
كلّك نغاشيش
وأنا حره أعيش
أنا عاوزه أعيش
أنا بدي أعيش
أنا نفسي أعيش
على كيف كيفي 

أنا حرّه وأموت في الحريّه
ومزاجي أعمل سحلـيّـه
أرقع في الشمس الزغروطه
واخد حمام من غير فوطه
أنا حره براسي وبديلي
حره بنهاري وبليلي
حره بمناخيري القطقوطه
أنا حره بخشمي ماهوش خشمك
وما احطش برقع ولا يشمك
ولا احط قزاز
ولا أقفل شيش
عقلي يا هزاز
كلّك نغاشيش
وأنا حره أعيش 

أنا حرّه وأموت في الحريّه
ومزاجي أعمل سحلـيّـه
أنا ابقى سحليه وسيمه
ويجيني برص بتاع سيما
وبتاع مزيكا وترا لم لم
واتاوي في حضنه وأنا باحلم
ويقول لي ابتسمي يا بسيمه
وافرحي بالميه وبالخضره
ماتحطيش احمر ولا بودره
ولا احط قزاز
ولا أقفل شيش
عقلي يا هزاز
كلّك نغاشيش
وأنا حره أعيش 

أنا حرّه وأموت في الحريّه
ومزاجي أعمل سحلـيّـه
سحليه وحبايبي سحالي
أنا حره بحالي ومحتالي
حرة أصحصح والا أسخسخ
والا أغني وقلبي يشخشخ
أبواب الدنيا فاتحه لي
ما اقعدشي في الأوده لوحدي
وما احطش إيدي على خدي
ولا احط قزاز
ولا أقفل شيش
عقلي يا هزاز
كلّك نغاشيش
وأنا حره أعيش
أنا عاوزه أعيش
أنا بدي أعيش
أنا نفسي أعيش
على كيف كيفي

فؤاد حداد


Advertisements

14 Responses to “أنا حرة”

  1. shadows 24/07/2010 at 1:36 AM #

    ana harf3 3aliki 2adeyet 7o2oo2 nashr w tawzeee3 :D khalli el 7oreya tetrafe3lek fl ma7kama ba2a :p

    • Cinderella 24/07/2010 at 1:42 AM #

      leh isA ya 7alawet-hom? :D
      3shan elsewar?
      :D loooooooool

  2. Linah 24/07/2010 at 8:38 AM #

    انتي جوزاء وش :D :D

    هشييرهاااا

    • Cinderella 24/07/2010 at 1:24 PM #

      wallahy virgo aseel .. ana etsglt yom ma etwldt :D
      w akeed share babez :D

  3. Neisy M 24/07/2010 at 9:49 AM #

    Never did I relate moree to a freaking post in ARABIC!
    I lovee itt!!!
    And I love you more <3

    • Cinderella 24/07/2010 at 1:25 PM #

      :D
      wow !
      that IS so my pleasure :D
      am happy :D

      3la fkra bgd i love you too and i am SOO sending my phone number 3shan nt2abel b2a :D

  4. Ali weka 24/07/2010 at 11:16 AM #

    I’m totally like

    واكتر واحده قابلتها عندها حق في كل اللي بتقوله

    • Cinderella 24/07/2010 at 1:25 PM #

      :$
      shokrn ya Ali :))
      w nwrteni bel zyara :D

  5. mostafa shaheen 25/07/2010 at 1:09 PM #

    Gamdaaaaaa mooooot ya sandy
    I love it
    Seriously u r da best

    • Cinderella 26/07/2010 at 11:30 PM #

      ya teefa thank you for coming :) i miss u

  6. Mahmoud Hermes 26/07/2010 at 2:16 PM #

    Sandy hanem مساء الخير يا فندم فعلا انتي حره تاعملي اي شيء في اي وقت باي طريقة اضخكي ابكي اخنقسي اشتمي اشربي طنشي احلمي اعملي اي شيء مادمت لا تؤزي شيء انتي ملك اليكي وحدك سو اعملي اي شيء وسعيد انك كتبتي بالعربي :)))

    • Cinderella 26/07/2010 at 11:30 PM #

      shokrn ya Mahmoud basha :)

  7. jasmin 26/07/2010 at 4:14 PM #

    el post da montaha el tanaka , i like it :)

Have something to say?

Fill in your details below or click an icon to log in:

WordPress.com Logo

You are commenting using your WordPress.com account. Log Out / Change )

Twitter picture

You are commenting using your Twitter account. Log Out / Change )

Facebook photo

You are commenting using your Facebook account. Log Out / Change )

Google+ photo

You are commenting using your Google+ account. Log Out / Change )

Connecting to %s

%d bloggers like this: