مش هقول حاضر والسلام #NoSCAF #SCAF #May27 #Jan25 #Egypt

23 May

انا بصراحة مش ناشطة سياسية ولا اعرف كم المعلومات ايلي كل الناس عارفاها من النشطاء “ما شاء الله عليهم”

بس اقدر اقول اني ناشطة وطنية؟

اه يعني انا مليش في السياسية بس ليا في الوطن

وطني انا!

يوم 28 ساعة الجيش اما نزل انا استبشرت خير

وبعدين الايام توالت 

واخدت بالي من حاجة ..الجيش مش بيتحرك من نفسه

الجيش مش بيعمل غير “ردود افعال”لينا

..

بيستني اما نعمل حاجة عشان يبتدي يعمل حاجة

بيفكرني بالشركة ايلي انا شغالة فيها ..اه والله

يستني اما الناس تبتدي تضايق وتزعق عشان تديلهم حقهم

فا فهمت .. عشان نعمل حاجة لبلادنا لازم نروح وننزل وناخد الحاجة من بق الاسد

ويا اخدناها

يا ماخدنهاش

..

كل اما كان الجيش يعتقل حد .. اقول في عقل بالي .. لا لا اكيد مسكهم بيعملوا حاجة غلط

او اكيد حس انهم هيبقوا خطر

..وبعدين كده لقيت ان الجيش بيمسك اي حد بيقول

لا

لا مش موافق

لا معترض

او بكل بساطة

واقف ضدهم !!

….

بصراحة انا استفزيت

امي عودتني من واحنا صغيرين متقوليش حاضر وخلاص 

اتناقشي ومتعمليش حاجة غير وانتي مقتنعة

..

فضلت مستنية الجيش يقنعني بصراحة 

مش لاقية اي تبرير ولا اقناع ..

..

في الموقف ده بقا فكرني بالزوج  ايلي اتقفش وهو بيخون

راح ضارب مراته عشان منشرتش الغسيل

..

لو سمحت يا جيش لو سمحت

ايلي بتعمله ده مش “في مصلحة البلاد”لعلمك

..

اهدي كده وبص لقدام

انت خلاص تعبت بجد لان مكانك الطبيعي مش هنا 

احنا عارفين ..بس احنا برضه عارفين

ان شبابنا بيموت

بلادنا بتنشف مننا

وانت شايف وبتتشطر علينا احنا بس!!

..

طب يا عم سيبنا نعمل مظاهرات وسبنا نحتج ونعترض

وشغل الشرطة شوية

شدها من ايديها كده قولها عيب

عيب اما تسيبي ولادك كده وتعمل نفسك مقموصة 

طب والله العظيم عيب

..

يعني يا جيش انت عارف مطالب الثورة واضحة وصريحة من الاول

وبجد في حاجات منها عايزة قرارات سريعة وحاجات تانية محتاجة دراسة

لا ده حصل ولا ده حصل

طب ايه؟

مش فاهمة!

انت قصدك تعملنا شغل تشويق وافلام اكشن؟

اصلها جت معانا باحباط!!!

ارحموا شبابنا

ومتطلوبش مننا نقول حاضر عشان “الازمة تعدي”

لا كده الازمة مش هتعدي لانك لو دلوقتي مش قادر تفهم 

اننا مش هنطاطي تاني

ادينا بنقولك

احنا مش هنطاطي تاني

انا ياعم الجيش لا انا سياسية

ولا انا ناشطة

ولا محررة

ولا اي حاجة من الكلام المجعلص ده

انا بنت مصرية وطنية ومش بقول حاضر وايلي تأمر بيه ولا بطاطي

Advertisements

One Response to “مش هقول حاضر والسلام #NoSCAF #SCAF #May27 #Jan25 #Egypt”

  1. mirth 23/05/2011 at 7:53 PM #

    بيان عاجل

    التقسيم الجديد للمظاهرات علشان محدش يتعدي حدوده :

    الأقباط : ماسبيرو

    أسفين يا ريس : مصطفي محمود

    الثوار: ميدان التحرير

    البلطجية : عبد المنعم رياض وعند الأقسام

    القوميين : سفارة الصهاينة

    السلفيين : قدام بيت كاميليا أو عند الكاتدرائية

    الأخوان : هيتظاهروا قريب جوه مجلس الشعب……

    حدد هدفك وانطلق إلي موقعك المفضل مع أجمل ألأمنيات بقضاء وقت ممتع

Have something to say?

Fill in your details below or click an icon to log in:

WordPress.com Logo

You are commenting using your WordPress.com account. Log Out / Change )

Twitter picture

You are commenting using your Twitter account. Log Out / Change )

Facebook photo

You are commenting using your Facebook account. Log Out / Change )

Google+ photo

You are commenting using your Google+ account. Log Out / Change )

Connecting to %s

%d bloggers like this: