مايو 27 .. May 27

26 May

 من بات آمناً في سربه معافاً في بدنه عنده قوت يومه ، فكأنما حيزت له الدنيا بحذافيرها

صدق رسول الله (صلي الله عليه وسلم)الرسول قالها

لو انت ضامن لقمة يومك

وعندك امان لبيتك يبقي انت ملكت الدنيا

طب لما القوت “القمح”يبقي شاحح

والسولار عشان يجيب المم برضه شاحح

والشرطة هي كمان بقت شاحة

يبقي ايه؟

طب بجد سؤال

هي الثورة ازاي السبب في ان السولار يشح؟

طب ولا الشرطة تشح؟

طب والقمح يشح؟

نظام ماسكين الناس من رقابيهم وتقولهم

هااااا هتسكوتوا ولا ….؟؟

اه اصل بصراحة ده ايلي انا حاساه

شغل لوي ذراع

والرسايل ايلي بتتوزع بتقول ان البنوك مش هتحط فلوس في ماكينات صرف الفلوس عشان خايفة

والناس ايلي في الشارع ايلي مشية بمكريفونات بتقول ان بكرة هيبقي خراب شامل وبتنصح الناس بشراء الغلة وقفل البيوت من ايلي هيحصل بكرة

ده ايه؟

ده اسمه ايه؟

وجريدة الاهرام اللطيفة ايلي قدمت “السبت”بالتهم ايلي هتلزق في الثوار يوم الجمعة دي ايه؟

و ايلي جه مع يسري فودة “سويلم”ايلي اتهم الناس علي الهوا ان الجمعة دي ممولة من الخارج

“الكلام ده رجعني 4 شهور لورا “

انا بكتب الكلام ده وحاسة بالادرينالين بيجري جوايا 

ضربات قلبي سريعة وحاسة اني عايزة اقوم اقف اقول 

عيش حرية عدالة اجتماعية

انا ان شاء الله نازلة بكرة عشان :

1(ايلي نزلت عشانه يوم 25  و 28 متحققش ولا حتي اتحط خطة لتحقيقة

2)الدنيين ايلي بيموتوا برصاص العسكر زي رامي فخري ايلي لحد دلوقتي الجيش اعترف بالغلط ولحد دلوقتي مفيش اي تقدم في التحقيق بتاعه

3)متحطش  حد ادني للاجور ولا حد اقصي في القطاع العام .. انجزوا يا ناس

4)امبارح اتنين اتقبض عليهم بتهمة توزيع بوسترات !!!بلا وكسة ..واللطيف انهم انهاردة بيتحقق معاهم كمان!

5) كل حد قال لا واعترض او وقف بشكل سلمي واتاخد في الرجلين حتي لو كان اخد حكم مع وقف التنفيذ .. برضه لا

6) الشرطة ايلي عاملالنا فيها زي الست المقموصة .. اتعدلي واتوكسي واعملي شغلك ..بلا خيبة

انا نازلة بجد وبدعي ربنا ان اهالينا ينضموا لينا

اصل زي مانتوا شايفين الطلبات عامة ..يعني محدش فينا هياخد لوكشة فلوس وهو ماشي

ولا حد فينا طامع في حاجة ولا عايز حاجة اصلا شخصية

يا اهالينا ..لو مش هتنضموا لينا ..يبقي ضموا علينا عشان بكرة لو حصل حاجة تبقي قدام عينيكم :)

يا اهالينا ضموا علينا

Advertisements

2 Responses to “مايو 27 .. May 27”

  1. Abdelsalam 26/05/2011 at 2:03 PM #

    الله ينور و ربنا يستر

  2. مدونون بلا قيود 06/07/2011 at 2:20 AM #

    بعد التحية ..
    تم اضافة مدونتكم الى ـ مدونون بلا قيود ـ
    وسوف ننشر مواجز وروابط لكل تدويناتكم خلال نصف ساعة من نشركم لها
    لمزيد من التفاصيل http://modawenon.tumblr.com/icq
    ولكم فائق الحرية والاحترام
    .

Have something to say?

Fill in your details below or click an icon to log in:

WordPress.com Logo

You are commenting using your WordPress.com account. Log Out / Change )

Twitter picture

You are commenting using your Twitter account. Log Out / Change )

Facebook photo

You are commenting using your Facebook account. Log Out / Change )

Google+ photo

You are commenting using your Google+ account. Log Out / Change )

Connecting to %s

%d bloggers like this: