#HanlefMasr هنلف مصر

28 Dec

مصر

المتمردة المتشردة الهادية الطيبة

القاسية الحنينة

وفوق وقبل كل شيء

الحبيبة

يوم 25 يناير نزلوا الجدعان شايلين كفنهم علي ايديهم

عارفين ان 90%-لو مش اكتر-انهم مش هيرجعوا بيوتهم تاني

وعرفوا يكسروا شوكة الداخلية

يوم 28يناير نزل كل واحد شايل في قلبه حب وغل وكلمة لا

وهم واثقين انهم هيموتوا ومش هاميمهم

وعرفوا يكسروا رهبة الموت

18يوم

عيشين بس علي الامل والاصرار

انه مفيش طريق تاني للرجوع

“هي عيشة ولا موتة ولا فوتة في حارة سد”

10شهور

وفيه مننا ايلي لسه مصر علي “لا”احنا نستاهل احسن من كده

وفيه مننا ايلي شايف ان لسه “الصبر مفتاح الفرج”ب

والادهي ان فيه مننا ميعرفش ان فيه ثورة حصلت

ولا يعرف اي حاجة غير قوت يومه وعياله نايمين ومتدفين وكويسين

ميعرفش

انه هو وعياله يستحقه وحقهم  اكتر من كده

ومش بس كده

انهم يقدروا يقولوا لأ و يفتحوا الهاوييس ومفيش “عتريس”واحد يقدر يتحكم فيهم

طب ليه منوصلهمش فكرة الثورة ؟

نلف مصر؟

وليه لا؟

ويا سلام بقا لو اسكندريلا لفوا معانا

وجدعان الصعيد وبحري  ايلي عارفين دخانيقها يلفوا معانا

 مصر مساحتها  1,002,450 كيلومتر مربع.

متقنعنيش ان كل متر مربع من دول الثورة وصلته!!

هقتلك لو قلتلي اكيد عندهم تلفزيون

مش هقولك ماسبيرو؟؟

لكن هقولك كهرباء؟

مش مصر كلها فيها كهرباء

نوصل للناس مفهوم الثورة

مفهوم الاستبداد والاستعباد ايلي حاصل

نوري الناس احسن ما فينا ..نوريهم شهدائنا ايلي استشهدوا عشان بس هم يعيشوا في حياة كريمة

منهم الشاب ايلي مش مثلا ايلي اتجوز وخلف فا عياله يشوفوا بكرة احلي ..لا ده لسه مخلصش جامعة اصلا

وفيه منهم الاب الجديد

والعريس الجديد

والطفل الصغير ايلي داخل وعارف انه هياخد رصاصة بس من قهره وفقره عارف ان موته هيوصل غضبه لسابع سما

ها ..تلف معانا؟

تلف معانا ونحيي سوا كرامة وكبرياء البني ادم ايلي جوا كل واحد فينا؟؟

ونقول ان الثورة مش معناها “لا والسلام”ولا معناها “قلة ادب”بالعكس

معناها “حقي هاخده كامل ومش هتنازل عنه”ب

معناها “عايز اما اشتغل عرقي ميروحش في جيب غيري”ب

معناها “ان شمس بكرة طالعالي تشرقلي وتدفيني مش تشرقلي وتدفي اللئيم الحرامي”ء

معناها “كل ما الورد يفتح في الجناين ..نهار الظالم مهواش باين”ب

معناها كرامة

انسانية

مش هنتكلم سياسية

هنتكلم

وطن

:)

احنا لا تبع حزب سياسي

ولا تيار هوا حتي

..

احنا بكل بساطة ناس بتحب كل حبة رمل في الحلوة المعجبانيه ايلي مدوبة قلوبنا كلها

مصر

:)

..تيجي يلا؟

فكر كده

اكيد عندك اجازة سنوية في شغلك

ولو مش هنقدر تلف اما نيجي نحيتك تيجي معانا

محتاجين روحك ..همتك ..وجودك وقلبك معانا

كان لسه في حد كاتب حاجة حلوة اوي

لو اهلنا ايلي مربينا نمشي جنب الحيط وطلعنا كده

امال الجيل ايلي اصغر مننا ايلي بقوا واعيين علي حقوقهم هيبقوا عاملين ازاي؟

:)

عايزين مصر كلها تبقي علي خط واحد

نبض قلب واحد

دبة رجل واحدة

عزيمة وعزة نفس واحدة

….

Advertisements

2 Responses to “#HanlefMasr هنلف مصر”

  1. Dina Nabil 28/12/2011 at 6:30 PM #

    عجبتنى فكرتك جدا…و لذا اسمحيلى انشرها قدر ما استطيع سواء عالفيس او التويتر او المدونه

    • Cind 28/12/2011 at 6:40 PM #

      شكرا جدا
      وياريت تنشريها علي اد ما تقدري
      وكمان تنضمي معانا

Have something to say?

Fill in your details below or click an icon to log in:

WordPress.com Logo

You are commenting using your WordPress.com account. Log Out / Change )

Twitter picture

You are commenting using your Twitter account. Log Out / Change )

Facebook photo

You are commenting using your Facebook account. Log Out / Change )

Google+ photo

You are commenting using your Google+ account. Log Out / Change )

Connecting to %s

%d bloggers like this: