مش لوحدي :)

17 Jan

@nawaranegm

نعم الثوار اقلية عارف هم كانوا فين في حياتك قبل الثورة ؟لما السواق يغلي الاجرة تلاقيه الواحيد الي يطلع يقول مش من حقك ومش دافع غير الحق
لما يلاقي واحد بيدفع رشوة علشان يمشي اسرع تلاقيه عمل خناقة والناس تقوله عديهاهو الانسان الغلس في حياتك الي عاوز الدنيا مثالية وبيعترض علي الغلط وبتحس معاه انك مذنب .

مهما تحاول تحبطه ولا تمنعه بكلامك مش بيسمعلك ميعرفش يعيش غير حياة كاملة ومش هيسكت عن قولة الحق حتي لو هيموت

اول ما قريت الكام سطر دول من نوارة
بصراحة ..ضحكت
وقريتها لامي ..بعد ما خلصتها قلتلي “شكرااااااااااا ..” -عشان اخر كلمة “هيموت-ي
.
.
الحمد لله ..انا مش لوحدي
مش لوحدي  ايلي بقول لا من زمان
من وانا طفلة وامي بتعلمني
اياكي تقولي “حاضر”الا وانتي مقتنعة
ولو مش مقتنعة نتناقش
يا تقنعيني  يااقنعك
.
وياعيني الست بتعاني من ساعتها
لان احنا الاربعة طلعنا كده
حتي في الاساسيات ..
ماما:البس الشبشب
محمود:ليه؟
ماما:هيجيلك برد
محمود :اه كده ماشي
المهم ..
مكتبتش عن يوم 25 يناير ايلي فات من ساعتها
اول مظاهرة ليا كانت يومها
وهناك  خليت اعز صحابي ينزلوا
معرفش ازاي اقنعتهم
ومعرفش المجانين ازاي اقتنعوا
.
كنا عارفين اننا لازم ننزل رغم اننا ملناش في السياسة
بس لينا في الوطن
لينا في وطننا
.
نزلت واحساس غريب بالشجاعة والحرية واخدني
 معرفش ليه بس حسيت
اني قوية اوي ..
.
احساس جميل اما تحس انك مش لوحدك
مش لوحدك بتعترض علي الغلط
ولا انت بس ايلي واقف في وش المدفع
.
:)
انا انسان سعيد
عشان ..طلعت امي الجميلة صح
طلع انك اما تقف مع الحق
مش هتقف لوحدك كتير :)
.
تسلميلي وتسلملي تربيتك وتعليمك لينا اننا نتمرد
:)

.

Advertisements

Have something to say?

Fill in your details below or click an icon to log in:

WordPress.com Logo

You are commenting using your WordPress.com account. Log Out / Change )

Twitter picture

You are commenting using your Twitter account. Log Out / Change )

Facebook photo

You are commenting using your Facebook account. Log Out / Change )

Google+ photo

You are commenting using your Google+ account. Log Out / Change )

Connecting to %s

%d bloggers like this: