هفلطة الفترة

حاسة اني مش عارفة اتعاطف مع حد

مش حاسة بأي حاجة غير ان الشعب نزل ضد بني ادم 

والبني ادم ده محترمش الشعب فا الجيش نزل!

…

طبعا الكلام عن المؤامرات الكبري والصغري فرتك الجراب

كله بيتأمر علي كله

مش بعيد مدينة البط عايزة الانقسام لمصر!

..

..هتقولوا انقلاب يبقي 25 يناير انقلاب فا اتكتموا

خيري رمضان و ماشبه كانوا ضد يناير اصلا ..ومش هنسي كلامه ساعة احداث المجمع العلمي 

بيزيطوا في الزيطة وخلاص

..فا مش هسمعه و اقول قول كمان ..كلهم جتهم اخوان تاخدهم

..

بحاول جاهدة مشمتش في الاخوان بجد جاااااااااااااااااااااااهدة

اهه ده اللي بجد جهاد النفس 

لاني عمري ما هنسي من محمد محمود لحد قبل يوم 30 والجبروت اللي بيتكلموا بيه
..

الشعب كله بيزعق و بيشتم في بعض

سواء اخرسوا يا بهايم يا خرفان
كل حاجة ..
كله عايز كل حد يسكت ويسمع وهو بيتقاله انت حمار اسكت انت متعرفش حاجة
…
انت مضحكوك عليك .. من الاخوان بقا من الجيش بقا من اي حد
بس المهم ان كله بيتهم التاني انه مغيب
علي اساس ان كل الناس معندهاش دماغ
..
واللطاف بتوع “واعدلوا وهو اقرب للتقوي”
دول موال تاني خالصصصصصصصصصصصصص
دول عاملين زي “اوعوا بقا يا جماحححة” مش عايزين يقولوا بصراحة موقفهم فا بيرقصوا في النص..
..
وكل شوية حد يحسبن ويقول “حسبي الله” علشان يحسس الناس بالذنب
“السوشي بقا غالي حسبي الله”!
..
شخصياً انا ضد الاخوان تماماً
بس مش هطبل للشرطة و الجيش بتاتاً- كل واحد فيهم المفروض يشوف شغله وده محدش بيطبل ليه”
..
انا امي محاسبة عمري ما شفت الشعب كله عاملها فيديو علشان خلصت فواتير وقالوا “شيييييييييييييييرررررررررررر”
ده شغلهم اصلا انهم يحموا ..
قتلوا ناس دلوقتي؟ قتلوا قبل كده. الفرق وجود سلاح من الطرف التاني .. ده احنا كنا بطوب وبتقولوا علينا بلطجية يا جدعان!!
يتعمل تحقيق دلوقتي -بس يارب يبقي اعدل من التحقيق اللي قبل كده-
..انا بهفلط في الكلام .. حسبي الله, الشاي برد
…

يوه نسيت اقول “انا سندريلا بأدين العنف من كل الجهات و يسقط يسقط حكم الفستك”

Advertisements